«Реал Мадрид» ҳозиргача Ла Лигада 9 та гол ўтказиб юборди.

15 тур ортда қолганини ҳисобга олсак, бу ажойиб кўрсаткичдир. Бу кўрсаткичлар «қироллик клуби»ни ўтказиб юборилган голлар сони бўйича лиганинг энг кучли жамоасига айлантиришини тахмин қилиш қийин эмас.

Шу тариқа, «Реал Мадрид» ҳар бир ўйинда ўртача 0,6 та гол ўтказиб, тарихий ўйин кўрсатмоқда.

Агар Анчелотти шогирдлари шу йўлда давом этса, улар 2019/20 йилги мавсумдаги ўз рекордини янгилайди, улар бутун мавсумда бор-йўғи 25 та гол ўтказиб юборган - ҳар бир ўйинга ўртача 0,65 гол тўғри келади.

Marca газетаси Антонио Рюдигерни мадридликлар муваффақиятининг асосий сеҳргарлари деб ҳисоблайди. Немис ҳимоячиси бутун жамоада энг кўп дақиқаларни майдонда ўтказган - 1660 дақиқа.

Рюдигер майдонда бўлганида, «Реал Мадрид» 14 та ўйиндан 8 тасида ўз дарвозаси дахлсизлигини сақлаб қолди. Ҳимоячи ҳар бир ўйинда ўртача 3,4 та зарба берган ва 2,3 марта тўпни тўхтатиб қўйган.