«Real Madrid» hozirgacha La Ligada 9 ta gol o‘tkazib yubordi.

15 tur ortda qolganini hisobga olsak, bu ajoyib ko‘rsatkichdir. Bu ko‘rsatkichlar «qirollik klubi»ni o‘tkazib yuborilgan gollar soni bo‘yicha liganing eng kuchli jamoasiga aylantirishini taxmin qilish qiyin emas.

Shu tariqa, «Real Madrid» har bir o‘yinda o‘rtacha 0,6 ta gol o‘tkazib, tarixiy o‘yin ko‘rsatmoqda.

Agar Anchelotti shogirdlari shu yo‘lda davom etsa, ular 2019/20 yilgi mavsumdagi o‘z rekordini yangilaydi, ular butun mavsumda bor-yo‘g‘i 25 ta gol o‘tkazib yuborgan - har bir o‘yinga o‘rtacha 0,65 gol to‘g‘ri keladi.

Marca gazetasi Antonio Ryudigerni madridliklar muvaffaqiyatining asosiy sehrgarlari deb hisoblaydi. Nemis himoyachisi butun jamoada eng ko‘p daqiqalarni maydonda o‘tkazgan - 1660 daqiqa.

Ryudiger maydonda bo‘lganida, «Real Madrid» 14 ta o‘yindan 8 tasida o‘z darvozasi daxlsizligini saqlab qoldi. Himoyachi har bir o‘yinda o‘rtacha 3,4 ta zarba bergan va 2,3 marta to‘pni to‘xtatib qo‘ygan.