«Милан» клубини жароҳатлар билан боғлиқ муаммо қийнамоқда.
«Россонери»нинг 8 футболчиси Италия А сериясининг 15-туридан ўрин олган «Аталанта»га қарши ўйинни ўтказиб юборади. Бу ҳақда "Football Italia" хабар тарқатди.
Ярим ҳимоячи Рафаэл Леау сафга қайтди, аммо мураббийлар штаби уни бугунги баҳсда майдонга туширмоқчи эмас. Жамоа уни «Ньюкасл»га қарши бўладиган Чемпионлар лигаси учрашувига асраб қўймоқчи.
Симон Кьер, Малик Тиав, Ноа Окафор, Маттиа Кальдара, Марко Пеллегрино, Пьер Калулу ва Марко Спортьелло жароҳатидан фориғ бўлиб улгурмаган.
«Аталанта» – «Милан» ўйини 9 декабрь куни Тошкент вақти билан 22:00 да бошланади.