"Барселона" Ла Лиганинг 16-тури доирасида "Жирона"га қарши баҳс олиб боради.
Каталонияликлар кутилмаганда турнир жадвалида иккинчи ўринни эгаллаб турган қўшниларидан 4 очко ортда қолмоқда. 10 декабрь куни жамоалар ўзаро тўқнаш келишади.
"Marca" нашри хабарига кўра, қанот ҳужумчиси Рафинья Диас ҳозир мушакларида муаммога дуч келмаяпти ва хавотирларга қарамай "Жирона"га қарши ўйнашга тайёр. Шу билан бирга, манба қайд этганидек, ҳимоячилар Андреас Кристенсен ва Маркос Алонсо ўйиндан олдинги машғулотларни ўтказиб юборишган. Даниялик муҳим жанг олдидан майдонга қайтишга улгуриши мумкин.
