Мюнхеннинг “Бавария” клуби ҳужумчиси Томас Мюллер шартномаси муддати тугаши билан боғлиқ вазият ҳақида фикр билдирди. Эслатиб ўтамиз, 2024 йилнинг ёзида германиялик футболчи эркин агент сифатида клубни тарк этиши мумкин.
"Мен ва "Бавария" ўртасидаги ўзаро боғлиқлик жуда катта. Тез орада раҳбарият билан янги шартнома борасида музокара олиб борамиз. Келинг, буларнинг барчаси қаерга олиб боришини кўрамиз", - деди Мюллер.
Эслатиб ўтамиз, жорий мавсум Мюллер Томас Тухель қўл остида кам ўйин амалиётига эга бўлмоқда. Бу Мюллернинг жорий мавсум охирида кетиш ҳақида жиддий ўйлашининг сабабларидан бири.
