Мадриднинг «Атлетико» клуби бош мураббийи Диего Симеоне «матрасчилар» ҳужумчиси Альваро Моратанинг тўрт ўйинлик голсиз серияси ҳақида фикр билдирди.
«Жамоа манфаати учун ишлаш жуда муҳим, Альваро айнан шундай қилади. Охирги ўйинда у фақат битта гол уриш имкониятига эга бўлди, шунинг учун биз вазиятларни кўпроқ яратишимиз керак.
Моратага жамоа керак, жамоага эса кучли Мората керак», - дея Симеоненинг сўзларини келтиради Marca.
Эслатиб ўтамиз, испаниялик ҳужумчи охирги марта Ла Лиганинг 12-турида «Лас-Пальмас» (2:1) дарвозасини ишғол қилган эди.
