Каталониянинг "Барселона" клуби бош мураббийи Хави Эрнандес жароҳатланган ярим ҳимоячи Гавини Жованни ло Чельсо билан алмаштирмоқчи. Бироқ, журналист Алфредо Мартинеснинг хабарига кўра, "шпорлар" аргентиналик футболчининг трансфери бўйича музокаралар олиб боришдан ҳам бош тортмоқда.
Манба, шунингдек, "Барселона"нинг маош фонди ҳозирда фақат битта футболчини рўйхатдан ўтказишга имкон беришини, у ҳужумчи Витор Роке бўлишини таъкидлайди.
"Тоттенхэм" устози Анга Постекоглоу ҳам Жованини ёқтиради. Аргентиналик футболчи жорий мавсумда АПЛнинг 6 та ўйинида 2 та гол урди.
