"Тоттенхэм" дарвозабони Уго Льорис январда жамоани тарк этиши мумкин.
Франциялик фахрий ўтган ёзда янги клуб излашга рухсат олган, бироқ таклифларнинг ҳеч бирини қабул қилмаганди. Бош мураббий Анге Постекоглу 36 ёшли дарвозабонни режаларига киритмаган - у жорий мавсумда бир марта ҳам майдонга тушмади. Sunday Mirror хабарига кўра, "Ньюкасл" Льорисни сотиб олиш ҳақида ўйламоқда. Ник Поуп жиддий жароҳат олганидан сўнг, "қарғалар" дарвозабонлик позициясини мустаҳкамлаши керак.
Уго Льорис 2012 йилдан бери "Тоттенхэм"да ўйнаб келмоқда. "Transfermarkt" маълумотларига кўра, унинг трансфер қиймати 2 миллион еврони ташкил қилади.