"Манчестер Юнайтед" марказий ҳимоячиси Рафаэль Варан январь ойида Эрик Тен Хаг жамоасини тарк этишга мажбур бўлиши мумкинлигини ҳис қилмоқда. Журналист Самуэль Лакхурст берган маълумотларга кўра, франциялик футболчи жамоада қолишни истарди, аммо мунтазам ўйин амалиётининг йўқлиги унга маъқул келмаяпти.
Варан "Манчестер Юнайтед" сафида барча мусобақалардаги сўнгги 13 ўйинда фақат бир марта майдонга тушган. Франциялик футболчи ҳозирги ҳолатдан норози ва мураббийлар штабидан кафолат ололмаса, фаолияти учун керакли қарорни қабул қилишга тайёр бўлади.
Олдинроқ Варан "Бавария"га ўтиши мумкинлиги ҳақида хабарлар тарқалган эди, улар ҳозирда янги марказий ҳимоячи қидирмоқда.
