Қирғизистон ёшлар терма жамоаси бош мураббийи Анарбек Ормамбеков Россия билан ўйинда жамоанинг олдига дуранг ўйнаш вазифаси қўйганини тан олди.

"Ўйин биз учун оғир ўтди. Бундай даражада жамоалар билан ўйнаш Қирғизистон учун қийин. Шунинг учун ўйинга қўйилган вазифа оддий эди: ўз дарвозамиздан гол ўтказиб юбормаслик. Биз уни ҳимояда максимум футболчилар ва олдинда қарши ҳужумда қочиб кетиш учун қўйилган фақат бир ҳужумчи билан уддаладик. Россия терма жамоаси футболчилари тажрибали, аммо биз уларни ушлашнинг уддасидан чиқдик. Ҳаттоки гол уришимиз ҳам мумкин эди. Россияга қарши ўйинда махсус чоғланиш шарт эмас. Шогирдларим иштиёқ эвазига тўп суришди. Тажриба ёки жисмоний тайёргарлик эмас, айнан иштиёқ эвазига. Футболчиларга нафас ростлаш имконини бериш учун ўйин ритмини ўзгартиришга, пауза қилишга ҳаракат қилдик. Бу вақт чўзиш эмас. Мақсад гол ўтказиб юбормаслик бўлганидан кейин бундай тактикани қўллаш мумкин", дея айтиб ўтди қирғизистонлик мураббий.