«Манчестер Юнайтед» ҳимоячиси Диогу Далот Чемпионлар лигаси гуруҳ босқичида «Бавария»га қарши уй учрашувидан сўнг журналистлар билан суҳбатлашди. «Қизил иблислар» 0:1 ҳисобида минимал мағлубиятга учради.
«Бу биз эришмоқчи бўлган натижа эмас. Биз бошқа нарсага умид қилгандик. Жамоа кучли рақибга қарши ўйинда бор нарсасини берди, аммо бу ғалаба қозониш учун етарли бўлмади.
Биз плей-оффда ўйнамоқчи эдик, аммо бунга етарлича кучимиз етмади. Биз сабоқ олиб, давом этишимиз керак», - дея футболчининг сўзларини келтиради УЕФА матбуот хизмати.
