Каталонияликларнинг таъкидлашича, Жоан Лапорта "Барселона"нинг Чемпионлар лигаси ўйини учун қайдномани ўзгартирган.
Бугун "Барселона" Чемпионлар лигаси гуруҳ босқичининг сўнгги турида "Антверпен" билан тўқнаш келади ва турнирнинг плей-офф босқичига йўлланмани кафолатлаган.
Хави дастлаб майдонда кўп дақиқаларни ўтказган Роберт Левандовски, Илкай Гюндоган ва Рональд Араухога дам беришни режалаштирганди. Бироқ бу футболчилар Хавининг режаларига қарамай Бельгияга кетишди.
RAC1 нашрининг хабарига кўра, бунга Лапорта Хавидан ушбу футболчиларни таркибга киритишни сўрагани сабаб бўлган. Манбага кўра, "Барселона" президенти "Жирона"дан учралган аламли мағлубиятдан сўнг (2:4) жамоанинг уч нафар етакчиси дам олишини истамаган. Қолаверса, "Антверпен"га қарши баҳсда ғалаба қозонса, каталонияликлар 2,8 миллион евро мукофот пулига эга бўлишади.
Эътиборли томони, матбуот анжуманида Хави Левандовски, Гюндоган ва Араухонинг таркибга киритилишини "Барселона" ўйиндан кейин Бельгияда тунаши, мураббийлар штаби эса бу футболчиларнинг рақобат ритмини йўқотишини истамагани билан изоҳлади.
