21 январь куни соат 20:40да «Спорт» телеканали орқали эфирга узатиладиган «Футбол шарҳи» кўрсатувида Ўзбекистон Футбол Федерацияси Президенти Мираброр Усмонов билан бўлиб ўтган суҳбат намойиш этилади.

ЎФФ Президенти «Футбол шарҳи»га берган эксклюзив интервьюси чоғида ўзбек футболида юз бераётган ислоҳотлар, шунингдек Ўзбекистон футболи 2012 йил якунлари ҳамда 2013 йилги режалар ҳусусида сўз юритди.

Таъкидлаш лозим, 2012 йил Ўзбекистон футболи учун тарихий ғалабаларга бой ва улкан ютуқлар йили бўлди. Хабарингиз бор, ЎФФ 2012 йил якунларига кўра ҳам ОФК, ҳам ФИФА томонидан «Fair Play» совринига лойиқ кўрилди. Ўзбекистон U-16 ўсмирлар терма жамоаси ўз тарихида илк маротаба қитъа чемпионатида ғолиб чиқиб, U-17 ўсмирлар ўртасидаги жаҳон чемпионати финал босқичида иштирок этиш ҳуқуқини қўлга киритган бўлса , Ўзбекистон U-19 ёшлар терма жамоаси ҳам Осиё чемпионатида кучли тўртликка кира олди ва 2013 йилда Туркияда бўлиб ўтадиган U-20 ёшлар ўртасидаги жаҳон чемпионатига йўлланма олди.