Муддатидан аввал чорак финал йўлланмасини ҳал қилиб бўлган Ўзбекистон ёшлар терма жамоаси бош мураббийи Аҳмаджон Мусаев ҳозир бошланган Қирғизистонга қарши ўйинга иккинчи таркибни туширди. Асосий таркибда фақат Асилбек Омонов ва Муҳсинжон Убайдуллаев майдонга тушди. Шунингдек, 2та ўйинда захирадан тушган Темур Ҳакимов ҳам ўйинни бошлағич таркибда бошлади.
Ушбу таркиб ҳам ҳисобни биринчи бўлиб очишга муваффақ бўлди. Ихтиёр Тошпўлатовнинг 25-дақиқада урган голи ўзбекистонликларни ҳисобда олдинга олиб чиқди. Биринчи бўлим тугашига 4 дақиқа қолганидан эса қирғизистонлик Валерий Кичин ҳисобни тенглаштирди.
Иккинчи бўлимнинг 57-дақиқасида, кутилмаганда, Қирғизистон ҳисобда олдинга чиқиб олди. Гол муаллифи — терма жамоаси сардори Қаюмжон Шарипов.
Шундан сўнг Аҳмаджон Мусаев жамоада бирданига 6та ўзгаришни амалга оширди. Майдонга Махсталиев, Козак, Сергеев, Искандеров, Абдумўминовларга қўшиб, захира дарвозабони Баҳодир Мирсоатов ҳам туширилди. Бу футболчилар майдонга тушганидан 10 дақиқа ўтиб, ҳисоб тенглашди. Темур Ҳакимов мусобақадаги ўзининг илк голига муаллифлик қилди.
Қолган 20 дақиқа давомида Қирғизстон терма жамоаси яхши ҳимоялана олди ва дуранг натижани сақлаб қолди.
Натижада, Ўзбекистон терма жамоаси гуруҳда 5 очко жамғарди. Қирғизистон терма жамоаси эса Россия-Қозоғистон ўйини олдидан 2 очко билан 4-ўринни эгаллаб туриди. Агар руслар Қозоғистонга 2та тўп фарқи билан ютқазишмаса, қирғизистонликлар чорак финалга чиқа олишмайди.
Ўз навбатида, Қозоғистон ғалаба қозонмаса ёки Россия 2та тўп фарқи билан енгмаса, Ўзбекистон гуруҳ ғолиблигини қўлга киритади.
Ҳамдўстлик кубоги. "С" гуруҳи. 3-тур
ҚИРҒИЗИСТОН - ЎЗБЕКИСТОН 2:2 (1:1)
Голлар: Ихтиёр Тошпўлатов (25), Темур Ҳакимов (70) — Валерий Кичин (41), Қаюмжон Шарипов
Огоҳлантиришлар: Владимир Козак (86) — Бекдолотов (86),
Қирғизистон: Жанибеков, Кичик, Умаров, Бекдолотов, Шарипов (Шаршеев 87), Сиддиқов, Талантбеков (Таалайбеков 87), Откеев (Мусабеков 83), Козубаев, Мамбеталиев (Барсуков 35)
Ўзбекистон: Асилбек Омонов (Баҳодир Мирсоатов 60), Жалолиддин Саидов, Муҳсинжон Убайдуллаев, Жавлон Мирабдуллаев, Азамат Шарипов (Тоҳиржон Шамситдинов 72), Сергей Рекун (Игорь Сергеев 60), Азамат Шарипов, Нурбек Нуриддинов (Владимир Козак 60), Абдуллоҳ Олимов (Жаҳонгир Абдумўминов 60), Ихтиёр Тошпўлатов (Аббос Махсталиев 60), Забиҳилло Ўринбоев (Жамшид Искандеров 60), Темур Ҳакимов
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Ўзбекистон | 3 | 1 | 2 | 0 | 5-4 | 5 |
| 2 | Қозоғистон | 2 | 1 | 0 | 1 | 3-2 | 3 |
| 3 | Россия | 2 | 0 | 2 | 0 | 2-2 | 2 |
| 4 | Қирғизистон | 3 | 0 | 2 | 1 | 3-5 | 2 |
