"Челси" ҳимоячиси Трево Чалоба қишки трансфер ойнасида Лондон клубини тарк этиши мумкин. Бу ҳақда Football Insider нашри хабар бермоқда.

Манбага кўра, "аристократлар" энди 24 ёшли футболчининг хизматларига муҳтож эмаслар. Клуб футболчининг вакилларига ўз мижози учун бошқар вариантларни қидиришни бошлаш зарурлиги ҳақида хабар берди. Қайд этилишича, "Тоттенхэм" ва "Рома" англиялик ҳимоячини ўз сафига қўшиб олмоқчи.

Чалоба бу мавсумда жароҳати сабаб "Челси" сафида бирорта ҳам ўйин ўтказмади. Ўтган йили ҳимоячи барча турнирларда 33 та ўйинда майдонга тушганди. Футболчининг Лондон клуби билан шартномаси 2028 йилнинг июнь ойи охиригача амал қилади. Transfermarkt портали футболчининг нархини 18 миллион еврога баҳоламоқда.

Аввалроқ, "Челси" яна 3 нафар футболчидан қутулишни ният қилгани ҳақида хабар берилганди.