Қирғизистон терма жамоаси Ўзбекистон билан ўйинда жанговар дурангга эришган бўлса-да, улар чорак финалга чиқа олмадилар. Бош мураббий Анарбек Ормамбеков эса жамоасининг олдига фақат ғалаба қозониш вазифасини қўйганини таъкидлади.

Анарбек Ормамбеков, Қирғизистон ёшлар терма жамоаси бош мураббийи:
— Ўйин ҳар томонлама оғир ўтди. Ғалаба бизга сув ва ҳаводек зарур эди. Лекин шогирдларим ҳиссиётларини жиловлай олишмагани учун учун биз ўн киши бўлиб қолдик. Йигитлар характер намойиш этишганидан хурсандман. Кам бўлиб ўйнаётганимизга қарамай, ҳисобда олдинга чиқиб олдик. Ўйиндан олдин футболчиларимга биз ҳақимизда пайдо бўлган ўйинни "ўлдиришимиз" ҳақидаги ўзгартириш кераклигини айтиб ўтдим. Шунинг учун мен ўз шогирдларимни доимо олдинга чорладим. Шунинг учун тажрибали ҳимоячи Кичинни олдинги чизиққа қўйдим. Ғалаба ёки дуранг — нима фарқи бор? Фақат ғалаба! Озгина омадимиз келмади. Минг афсус. Лекин, ишончим комил, ўзимиз ҳақимизда ёқимли таассурот қолдира олдик.