Хавьер Клементе «Барселона» бош мураббийи Хави ҳақида гапирди.
Аввалроқ «Барса» кетма-кет икки марта мағлуб бўлган ва бу йўлда 7 та гол ўтказиб юборганди.
«Хави тузоққа тушиб қолди. У ўзи футболчи сифатида бошидан кечирганини жамоаси билан қилишни хоҳлайди.
Орқадан тўп узатиш орқали ўйнаш жуда яхши, аммо шу йўл билан «Антверпен»га қарши ўйинда бўлгани каби иккита бемаъни гол уриш мумкин.
Хави шоуманлик ҳақида кўп гапиради, лекин бунга мажбур эмас. Левандовски шоуни кўрсатиши керак.
Хави ўзи билмаган ҳолда ўз баёнотларининг гаровига айланди», - деди Испания терма жамоасининг собиқ мураббийи.
