Миланнинг “Интер” клуби спорт директори лавозимини эгаллаб турган футбол функционери Пьеро Аузилио ҳужумчи Лаутаро Мартинес ва ярим ҳимоячи Генрих Мхитаряннинг янги шартномаси ҳақида гапирди.
“Ҳозир бу истак эмас, вақт масаласи. Клуб улар билан шартномани узайтирмоқчи. Ўз навбатида футболчилар "Интер"да ўйнашни давом эттириш ниятида", - деди Аузилио.
Жорий Италия чемпионатида “Интер” 15 ўйиндан сўнг биринчи ўринда бормоқда. 16-тур доирасида Симоне Индзаги шогирдлари сафарда “Лацио” билан учрашади.
