Кевин Де Брюйне майдонга қайтганидан кейин нимага интилишини тушунтирди.
"Манчестер Сити" ярим ҳимоячиси жароҳати сабаб 11 августдан бери майдонга тушмаяпти.
"Мен энг яхши бўлишни хоҳлайман. Бу ўзгармади. Мен энг яхши жамоада бўлишни, дунёнинг энг яхши футболчиси бўлишни хоҳлайман. Менда ҳали ҳам мотивация бор.
Тўрт ойни ўтказиб юборганимдан кейин ҳам, мен илгари қилган ишимни қилишим учун ўйин режамни ўзгартириш йўлларини топишга ҳаракат қилдим. Ишончим комилки, майдонга қайтишим биланоқ ўзимни яхши ҳис қиламан. Умид қиламанки, яхши футбол ўйнашда давом эта оламан", - деди Де Брюйне.
Кевин "Манчестер Сити" билан Саудия Арабистонида бўлиб ўтадиган клублар ўртасидаги жаҳон чемпионатига боради. Шунга қарамай, унинг январь ойининг ўрталарига қадар майдонга қайтиши кутилмайди.
