Лионель Мессининг олтита формаси, жумладан, ЖЧ-2022 финалида кийган футболкаси Sotheby's аукционида сотилмоқда ва уларнинг нархи 6,5 миллион долларга етди. Агар шундай давом этса, бир вақтнинг ўзида иккита рекорд ўрнатилиши мумкин.
Биринчидан, Марадонанинг футболкаси - 1986 йилги жаҳон чемпионатида Англияга қарши афсонавий ўйинда кийган футболкаси 7,142,000 фунт стерлингга ёки тахминан 8,3 миллион еврога сотилган.
Шунингдек, Майкл Жорданга тегишли рекорд ҳам бор. У 1998 йил 3 июнь куни НБА финалида «Юта Джаз»га қарши ўйинда кийган формаси ўтган йили 10 091 000 долларга ёки 9,26 миллион еврога сотилган.
