Lionel Messining oltita formasi, jumladan, JCH-2022 finalida kiygan futbolkasi Sotheby's auksionida sotilmoqda va ularning narxi 6,5 million dollarga yetdi. Agar shunday davom etsa, bir vaqtning o‘zida ikkita rekord o‘rnatilishi mumkin.
Birinchidan, Maradonaning futbolkasi - 1986 yilgi jahon chempionatida Angliyaga qarshi afsonaviy o‘yinda kiygan futbolkasi 7,142,000 funt sterlingga yoki taxminan 8,3 million yevroga sotilgan.
Shuningdek, Maykl Jordanga tegishli rekord ham bor. U 1998 yil 3 iyun kuni NBA finalida «Yuta Djaz»ga qarshi o‘yinda kiygan formasi o‘tgan yili 10 091 000 dollarga yoki 9,26 million yevroga sotilgan.
