"Реал" ярим ҳимоячиси Жуд Беллингем жамоа ҳимоячиси Давид Алабани қўллаб-қувватлади. Австриялик футболчи кеча "Вильярреал" билан ўйинда (4:1) хоч бўғимидан жароҳат олди ва 2023/2024 йилги мавсум охиригача сафдан чиқди.
"Мен сиз билан, ака. Тезроқ тузалиб кетинг", — деб пост қолдирди англиялик футболчи ижтимоий тармоқдаги саҳифасида.
Алаба яқин орада операция қилинади. Аввалроқ Эдер Милитао ва Тибо Куртуа "Лос-Бланкос"да худди шундай жароҳат олганди.
Испания чемпионатининг жорий мавсумида 31 ёшли австриялик футболчи 14 та ўйинда майдонга тушиб, ўйинда голли узатмани амалга оширди ва иккита сариқ карточка олди.
