Украиналик дарвозабон Андрей Лунин жорий мавсум якунлангач, "Реал"ни тарк этади, дея хабар бермоқда Todofichajes нашри.

Манбанинг хабар беришича, дарвозабон фаолиятини Италия чемпионатида давом эттириш имкониятига эга. Лунин хизматларига "Наполи" қизиқиш билдирмоқда. Потенциал трансфер суммаси 12 миллион еврога баҳоланмоқда. Луниннинг "Лос-Бланкос" билан амалдаги шартномаси 2025 йилнинг ўрталарига қадар тузилган.

Испания чемпионатининг жорий мавсумида Лунин "Қироллик клуби" сафида еттита ўйин ўтказди. Андрей тўртта гол ўтказиб юборди ва учта ўйинда дарвозаси дахлсизлигини сақлаб қолди.