21 январь кунидан «Динамо» жамоаси тайёргарлик босқичи доирасидаги иккинчи йиғинни Тошкентда ташкил қилди.
21 январь кунидан 30 январгача давом этадиган ушбу йиғин давомида мураббийлар бир қатор янги футболчиларни кўрикдан ўтказиб, назорат баҳсларини ўтказишни режалаштиришган. Жумладан, 23 январь куни Биринчи лига вакили «Пахтакор-2» билан ўйин ўтказилса, 25 январда «Металлург», 27 январда «Олмалиқ», 29 январь куни эса «Бухоро»га қарши назорат баҳсида майдонга тушилади. Йиғиннинг сўнгги куни 30 январда эса Қозоғистоннинг «Оқжетпес» клуби билан ўйин ўтказилиниб, «Динамо» Тошкентдан Самарқандга қайтади.
