"ПСЖ" ҳужумчиси Килиан Мбаппе жамоа бош мураббийи Луис Энрикенинг ишидан норози. Сўнгги пайтларда футболчи ва мураббий ўртасидаги муносабатлар жиддий равишда ёмонлашди, дея хабар бермоқда Lequipe нашри.
Манбанинг хабарига кўра, Мбаппе икки сабабга кўра Энрикедан норози. Биринчидан, ҳужумчи испаниялик мутахассиснинг Чемпионлар лигаси доирасида Дортмунднинг "Боруссия" жамоасига (1:1) қарши ўйинида ҳисобни ушлаб туриш учун ўйнаш қароридан ҳануз хафа. Иккинчидан, Килиан майдондаги ҳолатидан норози. У ҳужум марказида эмас, қанотда ўйнашни хоҳлайди.
Мбаппенинг парижликлар билан шартномаси келаси йилнинг ўрталарига қадар мўлжалланган.
