"Интер Майами" ҳужумчиси Лионель Месси айни дамда таътилда. Marca нашри футболчининг яқин орадаги режалари ҳақида хабар тарқатди.
Месси рафиқаси Антонелланинг синглиси Карла Рокуццонинг тўй маросимида иштирок этади. Қизиғи шундаки, Карла Антонелла ва Лионелнинг тўйидаги келиннинг гувоҳи эди.
Лионель Месси Аргентина терма жамоаси бош мураббийи Лионель Скалони билан ҳам учрашишни режалаштирган. "Альбиселесте" сардори ва бош мураббий жамоадаги вазият ҳақида гаплашиб олади.
Таътилдан сўнг Месси "Интер Майами"га қайтади ва мавсумолди машғулотларни бошлайди.
