Антуан Гризманн 2023/24 йилги мавсумни самарали ўтказмоқда.

Мадриднинг “Атлетико” клуби ва Франция терма жамоасининг 32 ёшли ҳужумчиси Испания чемпионатининг 18-турида “Хетафе”га қарши ўйинда иккита гол урди.

Гризманн жорий мавсумда Ла Лигада ўзининг 10 ва 11-голларини (пенальтидан) урди ва тўпурарлар рўйхатида учинчи ўринда бормоқда, ўша ўйиннинг 93-дақиқасида пенальтини голга айлантирган "Хетафе" аъзоси Борха Маёрал Гризманндан битта голга ортда қолди.

Тўпурарлар рўйхатида "Реал Мадрид" ярим ҳимоячиси Жуд Беллингем етакчилик қилмоқда. Мадридликлар йилнинг сўнгги ўйинини 21 декабрь куни ўз майдонида "Алавес"га қарши ўтказади.

Чемпионлар лигасини қўшиб ҳисоблаганда Гризманн мавсумдаги 23 ўйинда 16-голини урди.