"Ньюкасл" "Лилль" ҳужумчиси Жонатан Дэвидга даъвогарлар рўйхатига қўшилди.
"Милан" сўнгги ҳафталарда 23 ёшли футболчи учун курашда фаворит деб аталмоқда. GIFN хабарига кўра, "Ньюкасл" "россонерилар"дан Дэвидни тортиб олишга тайёр: "қарғалар" раҳбарияти аллақачон канадалик билан алоқа ўрнатган ва эҳтимолий келишув имкониятларини ўрганиб чиққан. Эҳтимол, "Милан" "Лилль" юлдузининг номзодидан воз кечиши мумкин, чунки Премьер-лига клуби билан молиявий жиҳатдан рақобатлашиш жуда қийин бўлади.
"Transfermarkt" портали Жонатан Дэвиднинг нархини 50 миллион еврога баҳоламоқда, бироқ “Лилль” анча кичикроқ суммага рози бўлиши мумкин – футболчининг шартномаси бир ярим йилдан кейин тугайди.
