"Реал" бош мураббийи Карло Aнчелотти жамоасидаги жароҳатлар ҳолатига баҳо берди.
Эслатиб ўтамиз, жорий мавсумда "Реал"нинг 3 нафар футболчиси тиззасидаги хочсимон пайларини узиб олганди.
Гап ҳимоячилар Давид Aлаба ва Эдер Милитао, шунингдек, дарвозабон Тибо Куртуа ҳақида кетмоқда.
“3 та хочли тизза жароҳати? Бу жуда кутилмаган жароҳатлар ва уларни олдиндан айтиб бўлмайди. Aлаба, Куртуа ва Милитаонинг тиззаларида ҳеч қачон муаммо бўлмаган.
Бошқа футболчилар бу соҳада ноқулайлик ҳис қилишди, аммо жиддий ҳеч нарса содир бўлмади. Буларнинг барчаси кутилмаган", деди Aнчелотти матбуот анжуманида.
