"Бавария" марказий ҳимоячиси Ким Мин Чже мавсумнинг иккинчи ярмида жамоанинг асосий таркибидаги ўрнини йўқотишдан қўрқишини айтди. Эслатиб ўтамиз, футболчи январь ойида Жанубий Корея терма жамоаси сафида Осиё Кубогида иштирок этади.
"Осиё Кубогига кетишга мажбур бўламан. Агар менинг турнирдаги иштироким давомида Упамекано ва де Лигт яхши ўйин кўрсатишса, улар қайтганимдан кейин асосий таркиб футболчиси бўлишади. Худди шу нарса яхши ўйин кўрсатадиган бошқа ўйинчиларга ҳам тегишли. Буни олдини олиш мумкин эмас. Қайтиб келгач, кўп меҳнат қилишим ва ўз ўрним учун курашишим керак", — деди Ким Мин Чже T-Online билан суҳбатда.