"Арсенал" бош мураббийи Микель Артета жамоаси таркибини тўрт нафар янги футболчи билан кучайтирмоқчи. Испаниялик мутахассиснинг фикрича, таркибни тўлиқ тўлдириш учун тўртта янги футболчини таклиф қилиш керак.

Журналист Мигель Дилэйнининг сўзларига кўра, Артета "Арсенал"да янги ҳужумчи, ярим ҳимоячи ва иккита ҳимоячини кўришни хоҳлайди. Раҳбарият январь ойида ўз мураббийини шунчалик кўп янги футболчилар билан таъминлашга тайёрми ёки йўқми, ҳозирча номаълум.

Эслатиб ўтамиз, "Арсенал" Англия Премьер-лигаси турнир жадвалида "Ливерпул"дан бир очколик фарқ билан пешқадамлик қилмоқда. Жамоалар чемпионатнинг навбатдаги турида ўзаро тўқнаш келишади.