Лионель Месси Аргентинада йилнинг энг яхши спортчиси деб тан олинди.
“Интер Майами” ва Аргентина терма жамоаси ҳужумчиси Буэнос-Айрес спорт журналистлари жамияти томонидан бериладиган 2023 йилги “Олтин Олимпия” мукофотини олди.
Месси тўртинчи марта Аргентинанинг энг яхши эркак спортчиси деб топилди. Шунингдек, у йилнинг энг яхши футболчиси совринини ҳам олди.
Энг яхши аргентиналик аёл спортчи учун мукофот 3000 метрга тўсиқлардан югуриш бўйича Жанубий Америка рекордини ўрнатган югурувчи Белен Касеттага топширилди.