Томас Тухель Бундеслига доирасида "Вольфсбург"га (2:1) қарши ўйиндан кейинги фикрлари билан ўртоқлашди.

“Футболчилар энг яхши мақтовга лойиқ - ўйин охирида рақиб кучини кўрсатди. Афсуски, иккинчи бўлимда гол ўтказиб юбориб, ўзгартиришлар киритиб, назоратни қўлдан чиқардик. Шу боисдан ўйин охиригача ҳимояланишимизга тўғри келди ва бу яхши бўлди.

Франкфуртдаги мағлубиятдан сўнг биз учта ғалабага эришдик, яхши жавоб қайтардик, айниқса жароҳатланган ва касал футболчилар билан боғлиқ вазиятни ҳисобга олган ҳолда.

Ҳар бир ўйинда ўртача очколаримиз жуда яхши. Жамоанинг руҳияти ва муносабати ҳам кўп ҳафталардан бери юқори. Лекин биз ўз устимизда ишлашда давом этишимиз керак", - деди “Бавария” бош мураббийи.

Мавсумнинг кузги қисми якунларига кўра, мюнхенликлар Будеслигада 2-ўринни эгаллаб, "Байер"дан 4 очкога ортда қолмоқда ва битта захира ўйинга эга.