"Бавария" бош мураббийи Томас Тухель вингер Лерой Саненинг ноябрь ойидаги терма жамоадаги танаффусдан кейинги ўйинларини баҳолади.

"Халқаро танаффусдан сўнг унинг ўйинларини ажойиб деб аташ мумкин эмас, лекин бу нормал ҳолат деб ўйлайман. "Штутгарт"га қарши ўйинда Лерой яхши ўйнади ва астойдил ҳаракат қилди. Биз 4-4-2 схемасида ўйнадик ва Сане ҳимояга кўп ёрдам бериши керак эди. Умуман олганда, Сане мавсумнинг биринчи ярмида яхши ўйнади, деб ўйлайман”, — деди Тухель.

Сане жорий мавсумда Бундеслиганинг 15 та ўйинида 8 та гол ва 8 та голли узатмага муаллифлик қилди.