"Манчестер Сити" ҳимоячиси Кайл Уокер ўзига нисбатан билдирилган танқидлар ҳақида гапирди.
"Агар мен нотўғри иш қилсам, мени доимо танқид қилишади. Бу менинг бутун фаолиятим давомида шундай бўлган, аммо бу менга давом этишим учун куч беради. Буни кўриб турибсиз ва мен сардор бўлганим ва бу ёмон натижалар менинг айбим, деб мухлислар томонидан жуда кўп танқидлар олдим.
Биз бир жамоамиз, бир жамоа бўлиб ўйнаймиз. Агар мен битта спорт тури билан шуғулланмоқчи бўлсам, теннис ёки гольф ўйнаган бўлардим. Мен энг тажрибали футболчилардан бири ва сардор сифатида бу юкни елкага олишим кераклигини ҳис қиляпман.
Мен шунчаки футболда ҳамма нарса ўзгарувчанлигини ҳис қиляпман, одамлар хотиралари қисқа. Эсимда, Жереми Доку ёнаётган эди ва бирдан Жек Грилиш энди керак эмас бўлиб қолди. Энди Жек гол урмоқда ва биз уни "клубда сақлаб қолишимиз" керак, дейишмоқда. Вазият шундай. Бу мени рағбатлантиради. Мени йиқитишда давом этинг ва мен қайтиб келаман" - деди Уокер.
