"Манчестер Сити" ҳужумчиси Хулиан Альварес клублар ўртасидаги жаҳон чемпионати финал учрашувининг бошидаёқ ҳисобни очди.
Аргентиналик футболчи "Флуминенсе" дарвозасини 40-секундда ишғол қилди - бу клублар ўртасидаги жаҳон чемпионати ва қитъалараро кубок тарихидаги энг тезкор гол, дея қайд этади MisterChip. Аввалги рекорд 2018 йилда ўрнатилган бўлиб, ўшанда “Ал-Айн” аъзоси Муҳаммад Ғариб чорак финалда "Эсперанс"га қарши ўйинда 78 сонияда гол урган эди.













