"Тоттенхэм" ярим ҳимоячиси Пьер-Эмиль Хёйбьерг "Наполи"нинг нишонига айланди.

28 ёшли футболчи узоқ вақтдан бери "Ювентус"нинг трансфер мақсадларидан бири бўлиб келганди, аммо январ ойида "бьянконерилар" даниялик учун курашда янги рақобатчиларга эга бўлиши мумкин.

Нуфузли инсайдер Жанлука Ди Марционинг сўзларига кўра, "Наполи" Хёйбьерг билан шартнома имзолаш имкониятини ўрганмоқда.

Қайд этилишича, "адзуррилар" раҳбарияти Бубакари Сумаре (“Севилья”) ва Секо Фофана (“Aл-Наср”)ни ҳам кўзлаган.

Пьер-Эмиль Хёйбьерг жорий мавсумда “Тоттенхэм”нинг 17та ўйинида қатнашган, бироқ бор-йўғи тўрт марта майдонга тушган.

Transfermarkt маълумотларига кўра, "шпорлар" ярим ҳимоячисининг нархи 28 миллион еврони ташкил қилади.