Бир кун аввал клублар ўртасидаги жаҳон чемпионатининг финал учрашуви бўлиб ўтди ва унда “Манчестер Сити” Бразилиянинг “Флуминенсе” клуби билан тўқнаш келди. “Шаҳарликлар” йирик 4:0 ҳисобида ғалаба қозонишди.
Ҳал қилувчи баҳсда испаниялик ярим ҳимоячи Родри Эрнандес энг яхши футболчи деб топилди. Эслатиб ўтамиз, ярим ҳимоячи аввалроқ УЕФА Чемпионлар лигаси финалида энг яхши футболчига айланганди.
Илгари бу ишни фақат икки футболчи бир йилда уддалай оларди. Гап аргентиналик Лионель Месси (2011) ва уэльслик Гарет Бэйл (2018) ҳақида кетмоқда.
