Виктор Осимхен "Наполи" билан янги шартномасига кўра 9-10 миллион евро + бонуслар ишлаб олади, дея хабар беради журналист Николо Скира.
Бугун, 23 декабрь куни томонлар ўртасида келишувни ёпиш учун учрашув бўлиб ўтиши кутилмоқда.
Олдинроқ 24 ёшли нигериялик футболчининг товон пули тахминан 130 миллион еврони ташкил қилиши маълум бўлганди. Шартноманинг ўзи 2026 йилнинг ёзига қадар амал қилади.
Баҳорда товон пулининг катталиги клуб ва футболчи ўртасидаги музокараларда тўсиқлардан бири бўлган, чунки неаполликлар президенти Аурелио Де Лаурентис товон пулини 200 млн евро қилиб белгиламоқчи бўлганди.
Виктор “Наполи” сафида 2020 йил сентябридан буён ўйнаб келмоқда ва шу вақт ичида у 119 та ўйинда 69 та гол урди ва 11 та голли узатмани амалга оширди.
Ўтган мавсумда форвард клуб билан Италия чемпионлигини қўлга киритди ва 31 гол билан турнир тўпурари бўлди.
