"Манчестер Сити" ярим ҳимоячиси Фил Фоден клублар ўртасидаги жаҳон чемпионати финал учрашувидаги рақибларини мақтади.
“Шаҳарликлар” кубок учун кечган ҳал қилувчи баҳсда “Флуминенсе”ни 4:0 ҳисобида мағлуб этиб, жиддий муаммога дуч келмади.
Бироқ Фоденнинг фикрича, Бразилия жамоаси ҳурматга лойиқ.
“Менга “Флуминенсе”нинг ўйин услуби ёқади. Рақибларимиз бизга осонликча енгилишмади, лекин биз ақл бовар қилмас ўйин ўтказдик.
Биз бундай иссиққа ўрганмаган эдик, лекин характер ва қатъият кўрсата олдик. Натижадан хурсандман.
Бу биз учун жуда муҳим, бутун клуб учун муҳим", - деди Фоден.
