"Манчестер Сити" ярим ҳимоячиси Родри клублар ўртасидаги жаҳон чемпионати финалида "Флуминенсе" устидан қозонилган ғалабадан сўнг (4:0) жароҳати ҳақида фикр билдирди.
Турнирнинг энг яхши футболчиси сифатида эътироф этилган 27 ёшли испаниялик футболчи ўйиннинг 74-дақиқасида рақиб футболчисининг орқадан қўпол ўйнаганидан сўнг алмаштирилди.
"Учрашувдан сўнг йиғлаб юборишимга сал қолди, аммо "Эвертон"га қарши ўйинга яхши бўламан. Муаммо йўқ", - деди Родри Mirror билан суҳбатда.
27 декабрь куни "Манчестер Сити" АПЛнинг 19-тури доирасида "Эвертон"га қарши баҳс олиб боради.
