"Челси" бош мураббийи Маурисио Почеттино "Вулверхэмптон" билан сафар учрашувида (1:2) клуб мухлислари ҳужумчи Николас Жексон алмаштирилганидан хурсанд бўлган эпизод ҳақида фикр билдирди.
“Африка кубоги сафари туфайли бир ой усиз қоламиз. Агар Жексонни бошқа футболчилар билан солиштирсангиз, у голлар урган.
Биз уни айблай олмаймиз, биз бир жамоамиз. У ёш ва "Челси" ундан катта умид қилмоқда", - дейди Почеттино.
Жорий мавсумда Жексон клуб сафида 21 та ўйинда майдонга тушиб, 8 та гол ва 1 та голли узатмани амалга оширди.
