Ярим ҳимоячи Эмиль Форсберг “РБ Лейпциг” билан хайрлашди. Швециялик футболчининг янги иш жойи Американинг "Нью-Йорк Ред Буллз" жамоаси бўлди.
“РБ Лейпциг”да мен эркак бўлдим. Биз бир-биримиз учун мукаммал эдик. Жамоа билан қийин дамларни бошдан кечирдим, яхши хотиралар ҳам кўп бўлди. Биз бирга совринларни қўлга киритдик. Ҳаётимнинг тўққиз йилини шу ерда ўтказганимдан хурсандман. "Лейпциг" мен учун иккинчи уйга айланди", - дея скандинавиялик футболчининг сўзларини келтиради "буқалар" матбуот хизмати.
Жорий мавсумда Форсберг немис жамоаси сафида 22 та учрашувда иштирок этди. Ярим ҳимоячи тўртта гол урди ва битта голли узатмани амалга оширди.
