«ПСЖ» «Коринтианс» билан ярим ҳимоячи Габриэль Москардонинг трансфери борасида келишиб олди.
Журналист Фабрицио Романонинг хабарига кўра, парижликлар 18 ёшли футболчининг трансфери бўйича келишувни аллақачон ёпишган.
Манбанинг хабар беришича, трансфер суммаси 20 миллион еврони ташкил қилади. Шу билан бирга, "Коринтианс" келажакда яна 2 миллион бонус олиши мумкин.
Клублар барча ҳужжатларни расмийлаштириб бўлгач, Москардо Парижга жўнаб кетади. Москардо Европанинг бошқа топ-клублари учун ҳам қизиқ вариант эди.
Футболчи учун курашда Лондоннинг “Челси” ва Каталониянинг “Барселона” клублари иштирок этишди. Бироқ, «ПСЖ» рақобатчилардан устун келиб, трансферни тезда амалга ошира олди.
