Криштиану Роналду Саудия Арабистони чемпионати ўйинида иккита гол урди.
"Ан-Наср" ҳужумчиси Саудия Арабистони чемпионатининг 17-туридан ўрин олган "Ал-Иттиҳод"га қарши ўйинда (5:2) икки пенальтини голга айлантирди.
Бу Роналдунинг Саудия лигасининг жорий мавсумидаги 18 ва 19-голлари бўлиб, у турнир тўпурарлари рўйхатини бошқариб турибди. "Ал-Ҳилол"дан Александр Митрович 16 та гол билан иккинчи ўринни эгаллаб турибди. Бундан ташқари, португалиялик футболчи 9 та голли узатма билан ассистентлар рўйхатида ҳам биринчи ўринни эгаллаб турибди.
Шу тариқа, Криштиану ушбу чемпионат мавсумида гол+пас тизимидан фойдаланган ҳолда жами 28 очко (19+9)га эга – бу лигадаги энг яхши кўрсаткич.
