Италия чемпиони "Наполи" узоқ вақтдан бери Туриннинг "Ювентус" клубининг трансфер мақсади ҳисобланган "Удинезе" ярим ҳимоячиси Лазар Самарджични сотиб олиш имкониятини кўриб чиқмоқда.
Журналист Фабрицио Романонинг хабарига кўра, неаполликлар трансферни мувофиқлаштириш учун тез орада "Удинезе" билан боғланишади. Қайд этилишича, футболчининг қарори асосий бўлади. Агар Самарджич "Наполи"га ўтишдан бош тортса, келишув амалга ошмайди.
Эслатиб ўтамиз, аввалроқ Самарджич хизматларига "Ювентус"дан ташқари "Милан" ва "Интер" ҳам қизиқиш билдираётган эди. 21 ёшли сербиялик футболчи жорий мавсум Италия А Сериясида 2 та гол урди ва 2 та голли узатмани амалга оширди.
