"Ливерпуль" "Спортинг" ва Португалия марказий ҳимоячиси Гонсалу Инасиу трансфери бўйича музокаралар олиб бормоқда. Бу ҳақда журналист Экрем Конур ижтимоий тармоқ маълум қилди.

Манбага кўра, "мерсисайдликлар" 22 ёшли футболчини қўлга киритиш учун курашда "Арсенал"га жиддий рақобатни тақдим этиш ниятида. Қайд этилишича, “Реал”, “ПСЖ”, “Манчестер Юнайтед” ва “Тоттенхэм” ҳимоячи футболчини кузатишда давом этмоқда.

Жорий мавсумда Инасиу “Спортинг” сафида барча турнирларда 23 та ўйин ўтказиб, 3 та гол урган. Футболчининг Португалия клуби билан шартномаси 2027 йилнинг июнь ойи охиригача амал қилади. Transfermarkt порталига кўра футболчининг тахминий нархи 30 миллион еврони ташкил қилади.

Олдинроқ "Ливерпуль" "Фулхэм" ва АҚШ терма жамоаси ҳимоячиси Энтони Робертсонга қизиқиш билдираётгани хабар қилинганди.