Американинг ESPN спорт сайти Англия Премьер-лигасининг 2023 йилдаги энг яхши футболчиларидан иборат рамзий терма жамоани эълон қилди.

АПЛ рамзий жамоасининг 2023 йил учун таркиби:

Дарвозабон: Эмилиано Мартинес («Астон Вилла»).

Ҳимоячилар: Кайл Уолкер («Манчестер Сити»), Вильям Салиба («Арсенал»), Эзри Конса («Астон Вилла»), Дэн Бёрн («Ньюкасл Юнайтед»).

Ярим ҳимоячилар: Родриго Эрнандес («Манчестер Сити»), Деклан Райс («Арсенал»), Мартин Эдегор («Арсенал»).

Ҳужумчилар: Муҳаммад Салоҳ («Ливерпуль»), Эрлинг Холанд («Манчестер Сити»), Сон Хын Мин («Тоттенхэм»).

Айни дамда Премьер-лиганинг 19 та учрашувидан сўнг 42 очко тўплаган "Ливерпуль" пешқадамлик қилмоқда. Иккинчи ўринда Лондоннинг "Арсенал" клуби (40). "Канонирлар"нинг захирасида битта ўйин бор. Кейинги ўринларда "Астон Вилла" (39) ва "Манчестер Сити" (34) бормоқда, улар ҳам бир ўйин кам ўтказган.