"Брайтон" бош мураббийи Роберто Де Зерби "Тоттенхэм" билан бўлажак учрашув олдидан ўз фикрлари билан ўртоқлашди.
Пайшанба куни “денгиз отлари” “шпорлар”ни қабул қилади. Учрашув 00:30да бошланиши режалаштирилган.
“Мен Рождествони футбол ҳақида, “Тоттенхэм”га қарши қийин ўйинни ўйлаб ўтказдим. Бизда ўнга яқин жароҳат олган ўйинчиларимиз бор, улар орасида Митома ҳам бор, у олти ҳафтага сафдан чиқди.
Эртанги ўйинга академиядан уч ёки тўрт нафар футболчини олиб кета олганимдан жуда бахтиёрман", - деди италиялик мутахассис матбуот анжуманида.
"Брайтон" 18 ўйиндан сўнг 27 очко билан Премьер-лига турнир жадвалида 9-ўринда бормоқда.
