Германия футбол ассоциацияси вице-президенти Ралф-Уве Шафферт ярим ҳимоячи Илкай Гюндоганни Германия терма жамоасидаги сўнгги ўйинлари учун танқид қилди.
"Гюндоган ўз клубида яхши ўйин кўрсатмоқда, лекин у терма жамоага келиши биланоқ, мен дарҳол ҳайратда қоламан.
Мени ўйлантириб қўяди: у ҳақиқатан ҳам истеъдодсиз эгизак укасини термага юборганмикан? Мен шунчаки тушунмаяпман.
Потенциал жиҳатдан Евро-2024 да узоққа боришимиз мумкин. Бироқ, умидлар ва ҳақиқат бир-биридан узоқдир.
Менимча, бу мураббийнинг айби эмас", - дея Шаффертнинг сўзларини келтиради HAZ.
Эслатиб ўтамиз, ўтган ёзда Гюндоган "Манчестер Сити"ни тарк этиб, эркин агент сифатида "Барселона"га ўтган эди.